AUREN GADO Page 11 to 20

ta kwana Alkawarin yanda zata gasa mai Aya a hannu yanda ba abarta ta rayu da mijin da takeso ba shima bazata yi zaman jin dadi da shiba, mommy kuwa ta Kwana tsara yanda zatayi da Naziya a gidan,

Washe gari ganin kawai sukayi Ana fitarda tsoffin kayan gefen Ahmed Ana shigo da wasu na yayi masu tsadar gaske da kyau, fauziya ce ta fito da sauri tana kallon gefen, tasan halin khaleel kamar yunwar cikin ta, wato da gaske yakeyi sai ya kawo wannan yarinyar gidan nan, gidan ta shiga da gudu saboda bakin ciki mommy na zaune tafado falon kamar saukar Aradu, saida mommy ta dafe kirji saboda tsoron da taji, “oh ni Balkisu” Fauziya ki rika tunawa inada hawan jini kirika yin Abu a hankali kar kisa wata rana in zube a banza, “ba damuwa ta bane ni yanzu damuwa ta itace kifito kiga irin uban kayan da khaleel yasa ake sakawa a gidan Ahmed saboda wannan Jakar yarinyar. Tashi mommy tayi tareda cewa wane irin kaya kuma bayan wainda ke ciki ko morar su ba ayi ba? Dukiyar da muka tara zai narkawa Y’ar talak……., shiru sukayi domin ganin Ana shigo da wasu irin new designer boxes wainda basu dade da fitowa ba wajen saiti uku, sunyi tsaye kamar ruwa yacinye su, kafin ya shigo da wata katuwar Leda a hannun shi, sanye yake cikin kanan kayan nashi na fama, fuskar shi a sake yace musu suje part din shi a store zasuga wasu set biyu su kwaso su, zama yayi yana murmushi yace “mommy ki ga kayan Auren Naziya kisa Albarka. “Khaleel” zan matukar bata maka rai fiyeda tunanin ka, wannan Y’ar matsiyatan kake kashewa irin wannan Dukiyar haka kana hauka ne?, sannan duk wannan uban kayan way’enda kake cewa a kwaso kuma na uban waye? “Momy ki duba mana Abinda baiyi ba a karo mata. Ya duka tareda bubbude akwatunan, kayane na gani nafada karshen kudi kowane akwati kalar kayan da ke ciki, komai har nighties nasu akwatin daban, gefe daya Wani dan madaidaicin kit ne shakeda sarkokin gold, diamonds Harda tsadaddun passion way’enda sunyi kudin Wani zinarin, sakin baki momy tayi tace “khaleel”, way’ennan kayan ko Fauziya Y’ar gidan Wani ba akai mata irin suba, don iskanci kasan kayan mata shine kabarni da siyan na fauziya?, ko kwandala baka bayar ba, yanzu akan wannan yarinyar ka narkarda Dukiyar ka haka khaleel? Shiru tayi lokacin da suka shigo da wainnan akwatunan, way’enda ya siyo ma Ahmed da niyyar ya hada a lefe suka boye, English wears ne masu matukar kyau da tsada da dogayen riguna way’enda har hango yanda zasuyi a jikin ta yakeyi, Wani irin hawaye ne ya ciko idanun shi yana tuna yanda ya yi da yayan shi akan akwatunan, a zuciyar shi yace “Yaya she is going to wear them insha Allah. 

Fadan mommy yasa ya dawo daga tunanin shi, “khaleel” ka nuna min ban isa ba ko ka nuna min kai kafi dan uwanka mallakuwa ko? yayi kyau, wallahi zakaga mai zaifaru muddin ka kawo Y’ar nan cikin gidan nan. Ta wuce fuuu. Fauziya ce dake fitar da hawayen bakin ciki ta matso “Allah ya isa tsakani na dakai khaleel , wato akwatin Auren ma da sadaki na duk bakasan zafin suba, no wonder bakasan mutunci na ba banda wata kima ko daraja a idanun ka…. Wani irin hankada ta yayi baya tareda mikewa ya nuna ta, zaman yan bori tayi har tana dafe kugu, “look ba macen da keda damar fadawa khaleel magana sai mutum biyu daga mommy sai Naziya sune keda Iko da khaleel, thank God kin gane inda hakkin Auren ki yake, that’s hannun mommy so from today don’t ask me your hakki go ask mommy. Ya Kira masu aikin yace su kwashe mai kayan zuwa part din shi, idan masu aikin sa kayan sun gama su sakasu ciki, karku bar wurin domin za’a iya saka musu wuta saboda bakin ciki. 

Suka kwashe suka fuce, yana tsaye, “khaleel” nasan me ka keso dani infita in bar maka gidan ka wataya da Amaryar ka, wallahi yadda baka bani kulawa ba itama bazata samu kulawar ka ba, mu zuba cikin gidan nan. Tayi waje tana kuka, 

Girgiza kai yayi tareda cewa “let me shower and go to her, am coming baby, kema zan zo inji kalar naki salon maganar naji na nan ya isa, now is up to you. 

A tsakar gidan suke tana hira dasu Sadiq yau ma ya shigo suna taya inna tsinke zogalen da zatayi musu dambu domin sadiq nason danbu sosai, hirar su sukeyi suna dariya, Malam yayi sallama, tareda khaleel yana cewa “iso Ibrahim kaima dan gidane ai basai ka jira iso na ba. Jin maganar shi baisa ta daina hirar ta ba infact bata ko dago kanta ta kalle shi ba, sanye take cikin doguwar rigar atanfa mai kyau dinkin ya matukar fito da yarintar ta da kyanta, idanun shi akanta suka sauka, zama yayi gefe tareda gaida Inna, ta amsa ta kwashe zogalen ta ta mike, tabarsu dama ba Shukrah agida tana makaranta, 

Malam yace “Sadiq kana cikin mata kuna aiki inka gama kafito muyi magana. Yafada yana fita, yi tayi kamar bata san Allah yayi ruwan tsiyar shi a wurin ba, 

Har suka gaisa da Sadiq, taci gaba” ya sadiq kasan Ina son in karanta mass com, saboda aiki a gidan redio ko tv Abun na burgeni sosai. Tafada tana dariya, Wanda ke karawa fuskar ta kyau, da zaka kalli fuskar khaleel da zaka hangota kamar manja saboda ja, “kai haba ai mace tafi mutunci da aikin likita Naziya, ni da badon anyi min kafa ba da tuni na jefaki school of nursing ma. Dariya tasa, wadda saura kiris ta tafi da numfashin khaleel, mikewa yayi tareda fita a zuciye, ya samu Malam a zaure, “Ibrahim harka fito? “Eh Malam magana zamuyi. “Bismillah Toh. “Nace ba laifi idan yau nadauke ta ta koma gidan mu? “Aa kaida Matar ka ai bawani laifi kawai ko yanzu ka so zaku iya wucewa, bari in fada ma mahaifiyar ta. “Toh zan tafi zuwa dare zan dawo in tafi da ita, ai badamuwa idan ba arakata ba ko? “Babu hakan shine daidai ma tunda ba Auren farko bane, Allah yabaka ikon rike Amanar dan uwan ka tareda sauke dukkan hakkin da ke wuyan ka. “Amin yace, yabi Malam suka koma ciki lokacin ta mike tsaye zata shiga dakinta, bin bayan ta yayi kawai, 

Tana shiga taji mutum a bayan ta saida ta zabura, tayi baya kamar zata zube saboda tsorata datayi daganin shi, saurin riko hannun ta yayi domin zata fadi, ya fisgota zuwa jikinshi Wanda saida ta runtse idanun ta kafin tayi saurin ja baya tana fisge hannun ta, jitayi kamar ta warta mai mari, “me yasa zaka tabani? Ta fada jikin ta na rawa, “oh ba atabaki ne? Ai bansani ba, yafada yana bata Wani irin kallo mai cikeda ma’anoni tun daga sama har kasa. 

Saurin bin jikinta tayi da kallo tareda juyawa tana shirin daukar mayafi, yayi saurin matsawa, ” akwai Abinda zan iya yi idan har kika aikata Abinda ke cikin zuciyar ki, ni ba shashashan namiji bane, kina iya tsayawa a gaban Wani banza yanda kike so idan kinganni saiki rika neman Abun rufe jikin ki me kikeso ki boyemin? 

“Kaga Ina jin kunyar ka don haka karka bari inbude baki infada maka maganar da bazaka manta daniba. “Say it am ready to hear. “Kaga kana cin Albarkacin Ahmed shi yasa kake yi mun Abinda kaga dama Ina kyale ka, not anymore, tunda kace zaka wuce gona da iri, karka manta kai kanin mijina ne, matsayin mijin da kake kokarin dorawa kanka zuciya ta bata karba ba ban Amince ba. 

“Hmm first in history, naji mace na deciding yanda zasuyi zaman Aure itada mijinta, yafada yana rike gemun shi cikeda rainin hankali, “husband, yes I am your husband believe it or not, and secondly, ni nake tsara rayuwar da nakeso inyi, inaso kije ki bincika tarihi na kiji bana daukar ra’ayin Wani, I only did what I think is right, ya zakiyi rayuwa me kikeso me zaifaru dake, duk nine zanfada miki yanzu, wannan rufe rufen jikin da kike yi idan naso zan iya hanaki saka ko pant da breziya a cikin gida na, watch out wannan mijin da kike gani bakisan waye shiba, and third, later in the night you are going to my house, enough of all this hira da kikeyi da katon banza, so get ready in time, first in history miji zaizo ya dauki Amaryar shi, ya matsa gab da ita tareda cika mata fuska da hanci da tsadadden kamshin jikinshi ya hura mata iska yayi ficewar shi kamar Wani walkiya,