RASHIN SO Complete Hausa Novel

Na’im yaji dad’in kalamanta har cikin jini da sassan jikinsa sai wani girgiza kansa yakeyi alamar gamsuwa da maganarta yace”naji dad’in kalamanki uwargida sarautar mata idan babu ke babu gida”.
Juyawa yayi gefen Naja’atu yana sakar mata murmushi yace”ko kinada maganar da zaki fad’a?”.

Saukar da numfashi Naja’atu tayi tace”nima ba za’a samu matsala ba da yardar Allah zamu zauna lafiya domin ganin mun samu ingantacciyar rayuwa agidan aurenmu, babu abinda ya isa ya shiga tsakaninmu har mu samu sab’ani azamantakewar rayuwarmu, ina rok’on Allah ubangiji ya baka ikon rik’emu da gaskiya tareda daidaita adalci atsakaninmu ya baka abinda zaka ciyardamu ka shayardamu ta hanyar halat”.
Sunji dad’in kalamanta matuk’a azuciyarsu kowane ya furta amin cikin bakinsa.
Alokacin ne Na’im yace”idan na kammala kwana uku ad’akin Naja’atu kwana nawa kukeson in dingayi a d’akin kowacceku? “.
Raliya tayi murmushi tace”ina ganin kwana bibbiyu yayi”.
“kefa Naja’atu?”.
“yadda Aunty ta fad’a yayi ba matsala”.Cewar Naja’atu tana wasa da abin hannunta.

Na’im ya saukar da numfashi yayi cikin farin ciki yace”tunda bakuda magana ku tashi mu tafi dinning table muyi breaskfast”.
Gaba d’ayansu suka mik’e tsaye suka nufi dinning table jajjayo kujerun dake kewaye a wurin dinning table sukayi suka zazzauna saman kujerun, zamansu keda wuya Raliya ta tashi tsaye tayi serving d’in kowa sannan ta zuba nata ta zauna ta fara ci, cin abincin sukeyi cikin natsuwa bakaji k’arar komai saina TV sunyi tsit kamar anyi ruwa an d’auke.

___________________

Haseena ce taga taci had’addiyar kwalliya mai k’yau atamfarta ta sanya pink colour ta kawo gyalenta ta sanya handbag d’inta ta rataya akafad’arta,tana kammala shiryawa ta jawo k’ofar d’akinta ta rufe nufar tsakiyar filin gidan tayi da nufin ta fice daga cikin gidan, tana isa waje saiga yah Basheer ya parker mashin d’insa abakin k’ofar sauka yayi da sauri ya zare key d’insa ya sanya acikin aljihunsa direct wurin Haseena ya isa yace”Allah ya kamaki Haseena da nufinki kiyi satar fita batare da izinina ba! To babu inda zakije gani na dawo”.

Jin maganarsa ya doki dodon kunnenta yasa ta juyo ta wurga masa harara tace cikin isa da nuna gadara”fita zanyi ko bada izninka ba!”.

Basheer ya d’aga murya amasifance yace”ko bada iznina ba fita zakiyi to ki fita in gani amma bakida hankali Haseena na tabbata k’wak’walwar kifi gareki! “.

Cire mayafi tayi ta d’aure a k’ugunta kamar wadda zatayi dambe dashi tace”kaii nifa bazakayi min wani gani gani da ikon banza ba naga kanason ka mayar dani kamar jakarka Naja’atu wadda duk kwandon sharar daka d’auko sai akanta”.

Basheer yace”eh mana ai bakida maraba da jakata domin na fahimci bakida tarbiya!”.
Kiranta da mara tarbiya da yayi ya soki k’ahon zuciyarta sosai cikin b’acin rai da tafasar zuciya tace”Hannatu uwarkace batada tarbiya jakar ubanka Tasi’u!”.

Zagin iyayensa da tayi yayi matuk’ar yi masa ciwo azuciya cikin zafin rai da tafasar zuciya ya nufeta gadan gadan fuskarsa amurtuk’e, ita kuma sai ja da baya takeyi cikin fargaba da zullumi ya kusa isa wurinta tazarar dake tsakaninsu kad’an ce yaja yayi tsaye yace”saboda bakida imani mahaifiyata da bata dad’e da rasuwa ba itace kike zagi ko, bakida hankali Haseena kuma tuntuni dama keba d’iyar mutunci bace!”.

Tsananin tsoro ne ya d’arsu azuciyarta amma saita dake bata nuna masa afuskarta ba tace”eh na zagi uwarka dama bakasan banida mutunci ba sai yanzu kalleni da k’yau niba Naja’atu bace wadda ka raina kake cin amanarta da cin zalunta, duk ka gayamin maganar banza saina gaya maka maganar yofi”.

“haka kika fad’a?”.
“na fad’a duk abinda zakayi kayi in gani! “.

Tana rufe bakinta yah Basheer ya kasheta da gigitattun maruka guda biyu masu zafi da rad’ad’i! Ai kuwa ta saki gigitacciyar k’ara da kuwwa tace “wayyo Allah ya kasheni! “.Ta wuntsila k’asa ta fad’i gwafff k’afarta d’aya ta bugi dutsi wani irin rikitaccen rad’ad’i da zugin ciwo ne ya ziyarci sassan jikinta da k’wak’walwarta hawaye masu zafi suka wanke mata fuska, tana kwance shame shame ak’asa tana nishin wahala da rad’ad’in marin da yayi mata, yah Basheer yayi mata walak’antaccen kallo yace”ki sake zagin iyayena kiga abinda zanyi miki sai yafi wannan muni arayuwa! Shed’aniyar banza da yofi dangin shed’an idan banda kina dabba kamar ni zaki kalli tsabar idanuna ki dinga zagina saboda bakida albarka da tarbiya”.

Haseena tana kwance k’asa hawaye suna kwaranya afuskarta tace”yanzu irin wannan sakayyar zakayimin kenan!?Ka rasa abinda zakayi saika d’aga hannu ka mareni saboda ka riga ka saba da marin matanka”.

“eh na saba marin matana ko zaki rama ne kizo ki rama?”.

Haseena ta jijjiga kanta cikin b’acin rai da bak’in ciki tace”bazan rama ba amma ka sani da sannu zaka girbi abinda ka shuka! Kuma karka d’auka marina da kayi kaci bulus zakayi nadamar marina da kayi arayuwarka!”.

Basheer ya harzuk’a zuciyarsa ta kawo ga wuya cikin suk’uwa yace”aikin banza!”.Yana rufe bakinsa ya tattara hannun rigarsa ya iso wurin Haseena dake kwance ya tayar da ita zaune, wurin k’afarta ya koma cikin tsoro tace”mi zakayimin!? “.Basheer ya wurga mata harara yace”kisa ido kiyi kallo”.Yana k’arasa maganarsa ya sanya hannunsa yaja k’afarta d’aya k’ik’ik’ik’ik’i kamar dabba ganin irin rashin imanin daya nuna mata yasa ta k’ara volume d’in kukanta wiwiwiwi kamar zata shid’e akan kuka numfashinta dak’yar yake fita, muryarta duk ta dashe akan kuka Basheer ya cigaba da janta ak’asa kamar karya har shigar da ita tsakiyar gidan, yana kaita cikin gidan ya nufi k’ofar gidan ya sanya padlock.

Yana rufe gidan ya sanya key cikin aljihunsa dawowa wurinta yayi yaga duk jikinta ya b’ace da k’ura sosai, d’uwawunta duk sun gwalgwalje jini sai tsattsafo yakeyi a inda taji ciwo kallonta yayi yana murmushin mugunta yace”duk taurin kanki yaja miki haka Haseena da tun farko dana ce baki zuwa ko’ina kinbi umurnina da hakan bai faru ba,saboda haka kinga illar rashin biyayya ga miji! “.Yana soka mata magana yaja k’afafunsa ya fice daga tsakiyar filin gidan direct d’akinsa ya nufa yabarta zaune cikin zogi da rad’ad’in gwalgwaljewar da tayi abayanta hawaye masu zafi sai shatata sukeyi asaman fuskarta………
[11/27, 9:24 PM] Mugiratmusa66: ????????????????????????
*RASHIN SO*
????????????????????????
????????????????????
????????????????
????????????
????

*INTELLIGENT WRITER’S ASSOCIATION*®✍????
(Onward together).

*WRITTEN BY MUGIRAT MUSA*

*Dedicated to*
*Sis Najer’art*

*PAGE 31*

Ganin yah Basheer yayi ficewarsa yabarta zaune dab’as ak’asa yasa ta daure ta mik’e tsaye tana cize baki alamar ciwon da taji yakai mata mak’ura, tana mik’ewa tsaye ta taka ahankali tana dafa bango dak’yar da sud’in goshi takai cikin d’akinta ta isa ta kwanta saman gado tana ajiyar zuciya da saukar da numfashin wahala, can tayi amfani da sanda ta dogara ta shiga cikin bathroom ta had’a ruwan zafi domin ta gasa jikinta sosai tareda yin wanka, bayan ruwan sunyi matuk’ar zafi ta surka da ruwan sanyi kad’an domin su rage zafi sannan ta cire tufafinta ta fara gasa jikinta saida ta gasa jikinta ya gasu sosai sannan ta daure tayi wanka tana zubar da kwallar zallar bak’in cikin abinda Basheer yayi mata, duk jikinta yayi matuk’ar tsami fitowa tayi d’aure da d’aurin k’irji ajikinta ta kwanta saman gadonta ko manshafi ta kasa shafawa, idanunta duk sun kumbura tareda yin jajir alamar tasha wuya sosai, kwantawa tayi saman gadon tanata huci da shassheka kamar zata shid’e abubuwa da dama suka dinga yawo a cikin k’wak’walwarta, komai ya dawo mata sabo fil azuciyarta ta dinga tunanin mahaifiyarta da k’anenta da suka rasu ashekarun baya asanadin k’unci da talaucin rayuwa..
____________________