MATAR UBA 37

Safiyya Ce ta fara fita da gudu ta ture mutanen dake kawaye da gun, tana ganin gawar duk da bata iya ganin fuskar ta Amma ta shaida kayan jikinta ta da zoben da ke hannun gawar ta Baraka ce ihu take tana Kiran “wayyo Mummy, Mummy Kinga abinda Kika jawo wa kanki,kin cuci Kanki kin cuce ni,wayyo ina Zan sa kaina bani da uwa bani da uba.”

Duk Wanda suke gun sun tausaya mata, Nana da Safiyya, Diyya da Asiya da Kuma Yesmin duk Saida suka yi kuka sabida mutuwar Baraka yin Allah ne sannnan ta mutu a wulakance Dole a tausaya mata.

Da kyar a ka d’aga Safiyya a ka zaunar da ita a mota, Asiya ce ta zauna tana rarrashin ta, ambulance aka Kira suka Zo suka kankari gawar dole suka bar sauran naman da suka makale a Kan kwalta.

Ba amfanin Kai ta asibiti don hakaw a tsakar gidan ta aka ajiye musu gawar, ruwa aka yayyafa mata sabida bazaiyu a mata wanka ba, kwakwata Hashim, khamal, farees da Faysal sai Kuma mutum biyu da suka Zo da ambulance d’inne suka sallace ta,duk Yan unguwar da zaran sunji itace ta mutu sai su tir da halin ta da yi mataw fatan Allah Kara mata azabar kabari,bayan sun sallace aka kaita makabarta, Shikenan su Baraka an tafi sai munzo. Wata shari’ar sai a lahira.

Allah ubangiji kasa muyi kyakkyawar karshe ameen.

Safiyya ta dad’e tana jimamin uwa uwace ko da ace a bola take kwana, dole Safiyya taji zafin mutuwar mahaifiyar ta, Asiyah da Safiyya sun Zama marayu gaba da baya.

Bayan Watanni Biyu

Safiyya da Asiyah sun Kika tamkar Khamal da Nana ne suka haife su duk abinda suke so ake yi musu,duk kadarorin da Baraka ta bari duk aka Saida aka sa musu Kud’in a account, Hashim da Diyya Kuma sun tare a gidan su da ya gina musu flats biyu ne komai iri d’aya.

A tare suka yi paper,sannan sukayi jamb duk su ukun suka samu admission Gombe State University.

A yaune aka d’aura auren

Asiyah da Hashim

Yesmin da Faisal

Safiyya da Farees

Allah ya basu zaman lafiya ameen.

Bayan an d’aura aure khamal ya koma zariya dashi da matar sa don gudun karta Kara afkawa kuskuren da tayi a baya.

Karshen MATAR UBA

Alhamdulillah Alhamdulillah Alhamdulillah Alhamdulillah

A yaune na kawo karshen labarin MATAR UBA,Wanda labarin ya farune dagaske,duk da cewar na Kara wasu abubuwan Kuma na rage wasu,don ya Nishadantar daku,wannan labarin izinace ga mata masu mugun hali irin na Baraka,kunji yanda tayi mugun karshe.

Ya Allah Ina rokon ka, duk abinda na fad’a dai dai ka bani Ladar sa idan Kuma nayi kuskure Ya Allah ya yafe mana gaba ki d’aya.

Ina rokon Allah ya yafe min dukkan kurakuran da nai a wannan labarin nawa na *MATAR UBA*

Ina rokon Allah da ya isar min da sakona inda nake da bukatar ya isa dan *MATAN UBA* su fahimci illar kishi da Kuma son zuciya

Fadeelah Yakub (Milhaart) ke muku fatan Alkairi.

Ubangiji Allah ya gyara zukatan mu da aikata khairan.

Mu had’u a littafina na gaba Mai suna DANGIN UBANA,yazo Muku da sallo na daban Ku kasance tare dani Kar ku bari a baku Labari.

Taku a kullum Milhat ✍️