Wata mata ta kashe kanta da ‘ya’yanta guda biyu saboda tana zargin mijin ta dayin lalata da wata

Wata uwa mai ‘ya’ya uku ta cinnawa gidanta wuta, inda ta kashe kanta da ‘ya’yanta biyu masu shekaru 4 da 2 a Kenya.

Lamarin ya faru ne a kauyen Sirende da ke karamar hukumar Lugari, a gundumar Kakamega, a ranar sabuwar shekara, 1 ga watan Janairu, 2022, bayan da ta zargi mijinta da yin lalata da wata mata.

Ana zargin matar mai suna Hellen Vuyanzi, mai shekaru 35, da yin amfani da man fetur a wasu sassan gidan a daren ranar Asabar.

Yaronta na uku, mai shekaru 11, ya tsallake rijiya da baya bayan ya yi tsalle daga gidan ta taga.

Kwamandan ‘yan sandan yankin Lugari, Bernard Ngungu, ya shaida wa jaridar The Standard cewa Vuyanzi ta zargi mijinta yana lalata da wata mata.

“Tun da farko mun shawarci Vuyanzi da matarsa, Thomas Amito, bayan wata takaddamar cikin gida ta taso a tsakaninsu. Mun fahimci cewa Hellen ta zargi Thomas da zamba da wata mata in ji Ngungu.

‘Yan sanda sun ce watakila Vuyanzi  ta sayi mai daga wani gidan mai na yankin, kuma ta yi amfani da shi wajen tayar da gidan aurenta.

Makwabcin Vuyanzi, wanda ya yi magana da The Standard  bisa sharadin sakaya sunansa, ta ce marigayiyar da abokiyar zamanta sun kasance suna fama da rikicin cikin gida akai-akai.

“Su biyun sun yi ta rigima akai-akai, inda matar ta zargi mijinta da yin lalata da wata mata ba mu yi tsammanin cewa al’amuransu za su zo karshe cikin bala’i,” in ji makwabcin.

Stephen Okila, dan uwan ​​mijin Vuyanzi, Thomas Amito, ya ce Amito ya kira shi a daren ranar Asabar kuma ya sanar da shi cewa gidan sa na ci da wuta Amito ba ya gida a lokacin.

“Na garzaya zuwa gidansa, na tabbatar da cewa gaskiya ne – gidan yana cin wuta. Abin takaici, wuta ya riga ya kona matar kanina da ‘ya’yanta biyu masu shekaru 4 da 2. Mun fahimci cewa babban yaron dan shekara 11, ya yi nasarar tserewa ta tagar in ji Okila.

Okila ya ce bai san da wata matsala ta aure da dan uwansa Amito ya yi da abokiyar zamansa ba.

“Na kasance kusa da su (Amito da Vuyanzi), kuma ban ji wani batu game da aurensu ba.” Ya kara da cewa.

An kai gawarwakin Vuyanzi da ‘ya’yanta biyu zuwa dakin ajiyar gawa na asibitin gundumar Webuye.