AALIMAH HAUSA NOVEL BOOK 1, 2,3, & 4

Kusa da gidanmu wani flat house ne, mallakin wani baturen Portugal da matarsa da dansa Clarson. Wannan yaron Clarson ya girmi Mu’azzam da shekaru biyar, amma haka ya shige jikin Mu’az suka zama abokai, ba komai ya sanya wa Clarson like wa Mu’az ba sai ganin gatan da yake ciki, da irin kudin da yake kashewa kullum, kekunan da yake hawa ma masu matukar tsada ne, ban da sitturunsa. Yayin da shi kuma Babansa giya yake sayarwa a wani Bar a nan cikin Washington. Lokacin da Mummy ta samu labarin alakar Mu’az da Clarson daga bakin mai aikinmu ta yi kokarin raba su, amma ta kasa saboda Clarson ya fi Mu’azzam wayo da budadden ido, don haka ya shiga jikinsa ba da wasa ba. Clarson shi ya koya wa Mu’az yadda zai dinga shan alcohol wadda babansa ke sayarwa, ya gaya masa ta fi komai dadi, kuma sai kana shanta ne ka ke zama babban yaro, wanda ya wuce kowa ya taka ka ko a raina ka.
A lokacin ni karami ne, ba su da mu da ni ba, ni ma kuma ban damu da abin da suke yi ba, shekaru biyar ne tsakanina da Mu’az, wadanda ya girme ni da su. Sannan Allah bai yi ni da daukar magana ba, ko iyayenmu in ba su tambaye ni abu ba, haka kawai ba za ka ji ina fade ba. I’m very quite tun ina karami, mara son kwaramniya da rashin hayaniya. A gidan su Clarson kuma a dakinsa suke consumption dinsu, wadda Clarson ke sayo musu wajen Babanshi da kudin Mu’az, da sunan aiko shi aka yi, kuma da yake yana taya uban kan sana’ar tashi wani lokacin ma shi yake zamar masa a bar din in zai je wani waje.
Clarson ko makaranta ba ya zuwa, neman kudi kawai ya kawo su Washington. Daddy bai samu gida a cikin Niger consulateba, amma consulatedin ke biyan hayar gidan da muke ciki. Kananan ma’aikatansu irin su Daddy kan zauna a cikin gari. Tun suna da shekaru kasa da sha biyar suke shan giya, sha na fitar hankali har Mu’azzam ya zama addicted.Daddy ba mazauni ba ne, haka Mummy, we spend 70% of our lives with a maid wata tsohuwar banasariya wadda abin da aka sanya ta kawai shi ta sa a gaba, wato kula da cikinmu da tsaftar jikinmu. Ta gaya wa Mummy yawan zuwan Mu’az gidan su Clearson tunda ta ja masa kunne ba ta dauki wani kwakkwaran mataki a kai ba. Ita ba ma rashin tarbiyyar Clearson ne damuwarta ba, kawai talaucin iyayensa ne, kuma dai ba ta son mu da abokai tun ba mu kawo lokacin ba. don haka Mu’az ya dade yana shan giya kafin Daddy ya ankara.
Watarana ne ya dawo gida ba lokacin dawowarsa ba. Mu muna hutun rabin zango a makaranta, shi da Mummy suna office. Ni kadai ya samu a gidan, Angela ta je cefane. Holiday assignment nake yi a falonmu. Ya tambaye ni ina Mu’az? Ba tare da na dago ba daga abin da nake yi, na ce da shi yana dakin Clearson.
Cikin mamaki ya ce, “Clearson yaron Mr. Ben?â€
Na ce, “Eh, ai abokinsa neâ€.
Firgicin Daddy ya kasa boyuwa, ya ce in tashi in raka shi har dakin Clearson din.
Ni ne a gaba, Daddy na biye da ni. Gidan a bude yake, kuma kamar kullum Mrs. Ben, wato mahaifiyar Clearson ba ta nan, ta tafi neman kudinta. Har dakin na raka Daddy inda ya gani, ganin idonsa Mu’az na kwankwadar beer. Ga kwalabe birjik mai nuna shan giyar ma na hauka suke yi. Mu’az ba ya ko iya bude idanunsa balle ya san waye a kansa. Haka Daddy ya sanya hannuwa ya dauko shi, ya saba shi a kafada yana hawaye muka dawo gida, ko kallo kwakkwara bai iya yi wa Clearson ba.
A wannan rana da Mu’az ya farfado ya ci duka a wurin Daddy, kamar ba zai barshi da rai ba. ya kuma yi threatening dinshi da maida shi Nijar, Nijar din ma Tessoua in bai daina ba. Amma Mu’azzam ya kasa dainawa, suka samu maboya shi da Clearson inda suke zuwa su sha, shan giya wanda ya wuce ka’ida da tunanin mai tunani. Giya kala-kala zafafa wadda ko manya ba sa ta’ammali da ita. Mummy kuma na ba shi kudin saye, mai tsada ta ‘ya’yan gata. Bayan lokaci mai tsawo Mu’azzam ya fara wata irin rashin lafiya kamar ba zai yi rai ba, wanda a binciken likitoci suka gano alcahol ta soma lahanta hantarsa da kwakwalwarsa.
Ita kanta Mummy hankalinta ya tashi, ta fara nadamar yadda ta ke ba shi kudin sayen giyar, ta san Mu’az yana shan giya, amma hakan bai taba damunta ba domin kuwa a can ba wani abu ba ne shan giyar, sai dai tana da masaniyar cewa it is wrong as well as prohibited a addininmu, kuma Mu’azzam ya yi kankanta da ya sha giya. Har a lokacin he is under eighteen. Al’adun nasara sun yi tasiri mai yawa a tare da Mummynmu a lokacin. Daga ita har Daddy babu wanda ya taba tunanin sanya mu a islamic school, duk da cewa ga su nan birjik a ko’ina na kasar nan. They only show us yadda za mu yi sallah, in Daddy yana gida yana sa mu a gaba mu yi tare, maghriba da isha. Da asubah ma yana tashinmu mu yi tare, amma kin ga azhar da la’asar ba kullum muke tunawa mu yi ba, musamman bayan haduwar Mu’az da Clearson. A wannan lokacin Daddy ya soma neman aiki wuri-wuri don dai ya raba Mu’azzam da Washington ya samar masa sabuwar rayuwa, bayan shafe shekaru goma a Niger Consulate of America, ya samu residence permit. Wannan ne dalilin barinmu Washington zuwa nan Boston (Massachusetts).
Daddy ya samu aikin gwamnati (permanent) a jihar Massachusetts, muka tattaro muka dawo, wannan ne ya raba Mu’az da Clearson. Sosai Daddy yake jan Mu’az a jiki bayan samun saukinsa, yana nuna masa illar giya da haramcinta a addininmu. Aka yi nasara Mu’azzam ya bar shan giya, amma sai ya fara wasu bakin halaye.
Abu kadan sai ya fusata shi, in ya yi fushin kuma he will destroy everything behind him, no one in the house can control his temper, not even me da yake matukar so. Komawa yake tamkar bai san kowa a cikinmu ba, burinsa ya lahanta komai da hannunsa zai iya kai wa. In yana cikin wannan halin Mummy ba ta iya komai, sai kuka. Daddy kan kama shi ya matse ya rungyme shi ta karfi yana gaya masa kalamai na kwantar da hankali, yana tofa masa addu’a. Da abin ya fi karfin Daddy, sai ya kai shi asibiti, inda da gaggawa suka yi referring dinshi zuwa Psychiatric.
A can ne bincike da gwaje-gwaje suka nuna yana da aggressive tendencies, wanda shan giya ya haifar cikin neuron dinsa. Ya soma karbar treatment yadda ya kamata. Sosai ya nutsu, ya koma yadda yake tun kafin ya san mene ne giya.
A Massachusetts Mu’az ya maida hankali ya gama karatun sakandirensa da takardu masu kyau, ya kuma zabi jami’ar Nevada ta garin Las Vegas ya fara karantar Petroleum Geology. Ya kama karatunshi sosai don a lokacin yana da shekaru ashirin da biyu, ya yi hankalin sanin abin da zai amfane shi, da abin da ba zai amfane shi ba. Yana shekararshi ta karshe a jami’a ya hadu da wata kaddarar bayan Clearson wato JUWAIRA.
Ni kuma a lokacin ne na fara jami’a a Louisiana, ba don komai ba na ki bin Mu’az Vegas ba, sai don ba abin da na tsana irin ganin Mu’az cikin black opisodes dinsa na aggressive temper. Abu ne da ke tayar da hankalina matuka, ya sa ni takurewa a gefe ina kuka.
Yana gama degree Daddy ya shiga nema masa aure ba da saninsa ba, daga dangin Mummy don ta ce ba ta yarda ya nemo a nasa dangin da ba kaunarta suke ba.
A ganin daddy, aure zai sassauta masa wannan ciwon fushin, bayan magani. Ashe shi Mu’az yana da wadda yake so, wato Juwaira. Iyayenta haifaffun kasar Ethiopia ne, zama ne ya kawo su America. Mu’azzam ya so Juwaira kamar ransa. Kafin Daddy ya furta masa niyyarsa na yi masa aure da cousin dinsa Halima, shi ya bayyana masa maganar Juwaira. Abin da Daddy ke so kawai shi ne kwanciyar hankalin Mu’az, don haka ya bar maganar Halima ya durfafi nema masa auren Juwaira, amma kememe iyayenta suka hana shi ita saboda akidarsu ta bambancin kabila, wato racism. Duk wani kokari Daddy ya yi don ya samar wa Mu’az auren yarinyar, amma bai yi nasara ba, iyayenta sun ki amincewa. A cewarsu ‘yarsu ba za ta auri dan Nigeria ko Niger ba, sai Ethiopian dan uwanta, kada ‘yarsu ta bace a wata kasa. Daga karshe ma suka dauke ‘yarsu daga America suka yi gaggawar yi mata aure a Ethiopia. Suka yanke mata karatu saboda Mu’az, don ita ma yarinyar tana sonshi sosai.
Lokacin da Mu’azzam ya samu labarin auren Juwaira da dauke ta da iyayenta suka yi zuwa kasarta ta haihuwa, he became frustrated, very tempered. Sai wannan dabi’ar tasa ta fushi da aggressiveness ta dawo sabuwa. Komai ya daina sa shi farin ciki. Not even me, neither our parent. A yayin da yake cikin fushin nan ba wanda ya isa ya zo kusa da shi. When he is frustreted nobody can come close to him. Ba ya duka, ba ya zagi, amma zai farfasa duk wani abu da zai iya fasuwa da yake gefensa, ya ji wa kansa ciwo, ya janyo wa Daddy asara mai yawa na gilassan gidan.
Mummy ta riga ta raine mu da cewa, duk abin da muke so za mu samu, ba ta taba zaunar da mu ta nuna mana hakuri da kaddara ba. Wannan ya taka muhimmiyar rawa a rayuwar Mu’azzam. Hatta karatun addini sai da girmanmu muka koye shi, bayan dawowarmu Massachusetts ne ganin abin da ya faru da Mu’az ya sa Daddy ya sanya mu a islamiyya, wadda muke zuwa bayan mun tashi daga boko, maimakon mu zauna a gida kamar yadda muke yi a Washington tun muna kanana. Sai Allah ya so mu da rahamarSa, kwakwalenmu masu zafi ne, ba mu sha wahalar fahimtar karatun addini ko kadan ba, a wata babbar islamic school mai lasisi a kasar ta Amurka. Wadda Larabawan kasar Morocco ne suka bude ta.
Auren Juwaira ya tabarbarar da lafiyar kwakwalwar Mu’az a karo na biyu, abin da ya tada hankalin Daddy ya dawo da tsohon zancensa na aura wa Mu’az cousin dinsa Halima, a ganinsa auren shi zai daidaita Mu’azzam.
Daddy bai san cewa, son aure daban, soyayya daban ba. Mu’az ba aure ya damu ya yi ba, Juwaira yake so.
Auren Juwaira shi ya tado matsalar Mu’az ta zama sabuwa sharr! Watansa guda a psychiatric yana karbar magani kafin ya manta da Juwaira, ya koma normal life dinsa. Ya kuma nemi (MBA) a nan Nevada (Las vegas) a jami’ar da ya yi ya soma karatun (MBA inOil and Gas Management) tsayin shekara daya, ya gama cikin tarin nasara, domin hakika shi din gifted ne, irin jajirtattun mutanen da ba su da yawa a cikin al’ummah.
Ashe karfin kwayoyi ne kawai ya binne Juwaira daga zuciyar Mu’az, da ya samu labarin haihuwarta wajen wani makocinsu, sai abin ya dawo sabo. Sabida duk cikin wannan lokacin da ya samu nutsuwa jira yake Juwaira ta kaso aurenta ta fito daga gidan mijinta su yi aure. Haihuwarta da ya ji kuwa ya tabbatar masa Juwaira ta daidaita da zabin iyayenta, ba ta da sauran abin da za ta ba shi.
Aggressive tendency din ya motsa. Sai da ya kara kwanciya a asibiti, aka kara kokari ya dawo daidai, likitocinsa kuma suka bada shawarar a yi masa aure da gaggawa zai rage masa frustration din Juwaira da ke damunsa. Ba tare da bata lokaci ba aka yi auren Mu’az da Halima, aka taho da ita gidansa a Las Vegas.
Ranar da aka kai masa Halima a matsayin matarsa, a ranar ya samu labarin rasuwar Juwaira da iyayenta, a dalilin hadarin jirgin sama.
Bayan Mummy da Daddy da suka kai ta sun musu nasiha sun juyo ne aka yi masa wayar aka fada masa. Gabadaya sai kansa ya juye, ga Halima zaune a gefensa, ya kasa yarda da abin da aka gaya masa. ya juya yana kallon Halima da rinannun idanunsa kamar ita ce sanadin mutuwar Juwairan. Duk wani anger, duk wani temper, duk wani frustration dinsa na lokaci mai tsawo ya sauke su ne a kan yarinya Halima ‘yar shekaru goma sha bakwai. Bai taba zina ba, bai san neman mata ba, bai san ya ake yi ba, don haka aggressiveness dinsa na ranar maimakon fashe-fashe ya kare ne a kan Juwaira a matsayin auratayya ba tare da wani feeling ko kankani game da yarinyar a zuciyarsa ba.
Sai bayan ya fara dawowa hayyacinsa ne ya lura yarinyar ba ta motsi, ga ta kuma cikin jini face-face. Mummy ya kira, ya ce su zo su dauke wannan yarinyar da suka kawo masa, kawai don ya yi having sex da ita sau daya ta mutu.
Mummy da Daddy suna hanya ba su kai ga isa Massachusetts ba daga kawo masa Halima da suka yi wayarsa ta riske su. Hankali tashe suka juyo duka dawo. Suka shirya Halima suka kai ta asibiti, likitoci kin karbarta suka yi, suka ce rape case ne wannan,rape din ma wanda akayi da karshen rashin imani, sai police sun shigo ciki, duk da rantsuwar da suke musu na cewar matarsa ce, da marriage certificate, wanda Daddy ya yo musu daga Nigeria, kin yarda suka yi. Wane miji ne zai yiwa matarsa haka? Sai da police suka shiga sannan suka karbe ta, suka shiga kokarin nemo numfashinta.
Kin san Bature da rape case ba sauki, balle baturen Amurka. Shi ma Mu’az din nasa likitocin sun rike shi don sun ce za su kara bincike a kansa da Daddy ya kira consultant dinsa ya gaya masa abin da ya faru. Report din asibitin Mu’az shi ne kadai ya cece shi daga wannan lamari, da tuni ya kare behind bars, saboda ba’a shari’a da maipsychologicaldisorder kowanne iri, balle Mu’az da ya dade a cikinta.
6/29/21, 9:01 AM – Buhainat: KWATARKWASHI