KISSA KO MAKIRCI Page 11 to 20

Hajiya zaliha tace tashi muje d'aki mana muyi maganan a ciki, hajiya binta bata musa ba, ta tashi sukai d'aki, fauziya kuma ta shige ciki wai ita a dole kunya, hajiya binta tace su fauziya manya yanzu an fara yar buya kenan, suka saki dariya ita da hjy zaliha, nan hjy binta tace toh yanzu nidai nazo inji ne kun shirya dai koh dan nan da sati daya nake so ayi a wuce wajan, nan hjy zaliha ta dafe kirji tace sati daya, ni yanzu ina naga kudi, da zanyi siyayya, hjy binta tace haba zaliha siyayyan mai zaki yi, bana bukatan kisai koda tsintsiya ne, komai zansa mahmud yayi, tace anya ayi haka kuwa, hjy binta tace to miye a ciki aiko bashi Zai aureta ya kamata yayi mata kayan d'aki nan hjy zaliha ta hau godiya Amma na ciki na ciki, hjy binta ta zaro yan dubu daya2 bandir daya dubu dari kenan tace ga wannan ki fara hidima dashi kafin a kawo abunda za'a dafa ma yan biki, ta amsa tana washe baki cikin jin dadi tace Allah ya saka da alkairi, inba naka ba waye xaima haka, ta fada tare da kallon hjy binta wanda taji dadin godiyar data mata,. Hajiya binta tana ta shirye shiryen biki ba tare da mahmud yasan tana yiba, ta hada akwati cikin kwana biyu ansa kaya masu tsadan gaske, an kuma kai gidan su hjy zaliha, murna wajan fauziya ba'a magana zata zama matar mahmud zata kece sa'a wajan kawayenta, har tana ganin irin takun da zata dinga yi a gidan, sai dai ko da yaushe ta tuna da salma sai taji gabanta ya fadi dan tasan irin son da mahmud yake mata, sai dai itama ta dau alwashi indai akwai bokaye a gari da malaman tsubbu to tabbas sai tasa mahmud ya sota fiye da irin sonda yake ma salma wannan kenan. Salma tana kitchen tana hadama mahmud dinner kafin ya dawo daka office, taji kaman muryan hajiya binta nan ta fito da sauri tana fadin sannu da zuwa mama, ko kallo bata isheta ba balle tama san tana magana ta nemi waje ta zauna, tana sakar mata harara cikin tsana, ganin tayi banza da ita ta tashi tayi kitchen ta hado mata kayan motsa baki, bayan ta ajiye tace keee zo nan ki dauke wannan abun daka nan, wa kika kawo ma wa an gaya miki shiya kawo ni, wato nima inci ki mallake ni koh, toh wlh ni nafi karfin bokan ki wlh kije ki sake shiri, salma ta dauka tare da cewa kiyi hakuri mama, tace kaya ne ta bita da harara, yarinya kin shanye min yaro baya ganin kowa sai ke, wlh dubun ki ya kusa cika, a dai2 nan mahmud yayi sallama ya shigo yace a'ah mama yau kece a gidan, tace eh nice mana tunda kai an hanaka zuwa bah, yace haba mama waye zai hanani zuwa wajanki, tace matarka mana wacce ta shanye ka baka ganin kowa sai ita, yace mama kiyi hakuri wlh ba haka salma take ba yarinya ce mai biyayya sai....... Dakata malam bashi ya kawo niba, banzo kuma dan inji hakan ba, abun daya kawo ni shine in fada maka ran Friday daurin aurenka da fauziya nan salma take kitchen wani xazzafan hawaye na xuba mata a ido, koya zata zauna da fauziya a gidan nan a matsayin kishiya tirkashi ada ma ya aka kaya balle itama yanzu ta zama matar mahmud, mahmud din shima cikin rawan murya yace mama Friday kuma ai ya kamata a fadamin da wuri inyi shiri, tace karka damu na gama komai gobe za'a kawo kaya asa a kusa da d'akin matarka dan kar a riga cutanta, yace mama d'aki nane nan sai dai asa ana kasa tace wlh baka isa ba sai dai ita waccan mayyar ta dawo kasa amma ba yata ba, wato tun yanzu ka fara nunamin za kayi rashin adalci ko wlh ka shiga hankalinka, tun wuri yace to mama kiyi hakuri yanda kikace hakan za'ayi tace shine zaman lafiya, tace ni Zan wuce saika fara shiri kuma anjima ka shirya kaje gidan su fauziya din dan kaji mai take bukata, yace toh, ta tashi tare da fadin saura kuma kaki zuwa, yace zanje insha Allah, ta fita yabi bayanta dan ya rakata, Bayan ya dawo yaga salma a falo wanda ya tabbata taji abun daya faru, duk sai yaji babu dadi, ta sakar mishi murmushi tare da fadin sannu da zuwa bbyna, tace lafiya kuwa yau naga jarumin nawa kaman yana fushi, ta matsa kusa dashi tare da hugging dinshi tace plz kayi mun murmushi ko zanji dadi, ban san ganinka cikin wannan halin, my one, yayi dan murmushi tare da kara matseta a jikinshi tace naji duk abunda mama tace karka damu matar mutum kabarinshi kuma ina murna zan sami yar uwa, yace salma ke yar aljanna ce, tayi dariya nan ta shiga gaya mishi kalamai masu dadi taja hannunshi sukai toilet nan ta taya shi yayi wanka, sannan ya shirya cikin manyan kaya wanda ta xaba mai, ta kalleshi tace kayi kyau my, muje kaci abinci, bai musa ba suka nufi dinning, tuwan shinkafa ne miyan agusi yaji dry fish da ganda ga kuma nama, yaci ya koshi, har aka kira Isha'i Bayan ya dawo tace toh my sai ka nufi wajan kanwata dan ka ganta sannan in kaje ka gaida min da ita, wani irin kallo yake ma salma wanda itama da kanta sai da tayi mamaki...... Maryam obam???? ????????????KISSA KO MAKIRCI???????????? NA MARYAM ALHASSAN DAN'IYA (Mrs nura kuriga) 20to25 Yace kina tunanin zani wajan tane? Tace ban fahimta ba my, yace salma bazan iya zuwa wajan fauziya ba, tayi rau2 da ido tace haba babyna Mai kake fada haka, kar ka manta dazu kama hajiya alkawari kuma ni ban sanka da karya alkawari ba, kuma in baka jeba nima bazan ji dadi ba, sannan ita fauziya din zata ji wani iri, plz my muje in raka ka mota ka tafi, yayi hugging dinta tare da gadin "I love you salma u r my happiness, tayi dan murmushi tare da fadin I love you too my, ta danja baya daka rikon daya mata tace saika dawo, ya fita tare da fadin OK, tabi hanyar da yabi ya fita da kallo idonta ya ciko da kwalla mai zafi yanzu mahmud tad'i xaije wajan wata macen wanda zata shigo a matsayin kishiya ta, lokaci daya ta cire abun a ranta tare da fadin Allah kaban juriya da hakuri. Fauziya anci kwalliya tayi kyau sosai dan itama fauziya ba'a baya ba wajan kyau sai dai masu iya magana sunce kyan hali yafi kyan sura da fuska, babu amfanin kyau indai babu tarbiya, tana ta sakin tsaki hjy zaliha dake gefe tana fadin ki kara hakuri fauziya Zai zo, ni dai ina fatan kinyi amfani da wannan turaran koh, tace eh nayi sai yasa kika ga ina ta wannan takaicin karya ki zuwa, hjy zaliha tace bari in kira binta inji kafin ta dau waya Sai ko gashi yayi sallama ya shigo cikin murna fauziya ta tashi tayi waje da sauri tace lah mahmud harka iso wlh tun daxu nake jiranka, mu koma motarka mana, yayi tsaki cikin takaici wai fauziya ce matar da Zai aura kai Allah yai wadan naka ya lallace, bai kulata ba yayi d'akin hjy zaliha data bude kunne taji abunda yake faruwa, ya shiga da sallama ta amsa cikin fara'a tare da fadin sannu da zuwa, ya gaida ta, ta amsa tare da fadin ya iyalin yace suna lafiya tace in gaidaku, fauziya data kumbura ta leko tare da fadin bama amsawa, tayi tsaki, hjy zaliha tace kee kina da hankali kuwa fauziya anya kanki daya, ta turo baki tana yan kun kune, ganin haka ya zaro kudi wanda baisan ko nawa bane yace ga wannan ni zan koma, hjy zaliha ta washe baki tare da fadin harda dawainiya to mun gode dan Allah kayi hakuri da halin wannan yarinyar kasan yarinya ce, yace babu komai ya fita, ganin ya fita tabi bayanshi da sauri amma yana shiga mota yace driver yaja suka wuce, nan ta kuma cika lallai mahmud saina tashi tsaye sosai a kanka wlh sai kayi dana sani ta shiga gida tana kuka, hjy zaliha ta shiga tambaya lafiya kike kuka, tace ni mahmud zai wulakanta, nan hjy zaliha tace toh ai kema da naki in banda abunki keda ba sonki yake ba maiya kai kiyi mishi rashin kunya, ai Sai ki bari sai mun sameshi a hannu kafin kiyi mai komai kuma kin san koda mun mallake shi dole sai kin hada da biyayya kafin aikin zaiyi tasiri, fauziya ta tabe baki tace badai ni ba sai dai shi yamin wlh,ta tashi ni na fita sai gobe zan dawo tace toh a dawo lafiya. Mahmud yana mota yana bakin cikin wannan auren da ake son yi mishi, shi baiki kara auren ba amma wacce aka bashi ne yake ganin ba'ayi mishi adalci ba, gashi kuma auren zumunci yayi dan tsaki tare da fadin Allah ka zaba min mafi alkairi. Biki ya rage saura kwana biyu, amarya tana ta shan magani kala2, dan so take ta nuna ma mahmud itama ba'a baya ba, kawayenta sun cika gidansu komai naci dana sha hjy binta ta bayar da kwangila ana kai musu, har wanda xa'aci ran daurin aure, fauziya sai cika take tana batsewa cikin kawayenta, yayin da suke ganin tayi sa'a babba domin samun namiji kaman mahmud ba abu bane mai sauki yaro mai tashe ga naira kaf garin babu wanda bai san shiba, bama garin ba kawai kaf kasan zance babu inda sunan shi bai jeba, yayin da wasu daka cikin kawayen fauziya din suke ganin mahmud bai dace da ita ba, dan yafi karfinta, sun dai ja baki sunyi shuru suna dan gwalan Arziki. Mahmud yama salma akwati set 12 yace na fitan biki ta amsa tana ta godiya tare da mai addu'a, nan tace yama amarya itama dai koh dan tasan halin kayanta, yace a'a mama ta mata, nan salma tace bata yarda ba shima ya kamata yayi yakai nashi, yace na mama ya isa babu abun da zai kuma yi, tace toh shikenan ni Zan dauki 6 ka kai mata 6, kima daina bata bakin ki dan babu abunda zaki dauka wallahi duka amarya xa'a kaima nan duka suka waiga salma tace sannu da zuwa mama tace dallah yimin shuru makira kai kuma sannu shanyayye ka kyauta wannan shine adalcin to wlh baka isa ba duka za'a kaima fauziya yace haba mama ita salma fah ta daka mai tsawa kai mahmud ka shiga hankalinka wlh tun kafin inci maka mutunci, naga wuyanka yayi kauri ina fada kana fada toh baka isa ba nice mai iko dakai kuma yanzu xan nuna maka ikon, ina so ka saki salma indai nice na haifeka........... Maryam Obam???? ????????????KISSA KO MAKIRCI???????????? NA MARYAM ALHASSAN DAN'IYA (Mrs nura kuriga) 25to30 Faduwa yayi kasa da gwiwowin shi, yana hawaye kaman wani karamin yaro wanda bai ma san yana yiba, salma koh gaba daya komai nata ya tsaya ko miyau ta kasa hadiye wa saboda firgita da kalaman hjy binta, ta kalli mahmud cikin fushi tace bada kai nake ba, amma ganin halin da dan nata ya shiga yasa taji wani iri domin duk duniya bata da kaman shi, kuma ita da kanta tasan yana mata biyayya, tabbas idan ta matsa mishi zai iya shiga wani hali, ta kalli salma ji take kaman ta kasheta dan haushi yarinyar nan na rasa wani kalan asiri tama mahmud da baya ganin kowa sai ita, mahmud dinne ya katse mata tunani da fadin mama zanyi duk abunda kika ce, bana fata Allah ya nuna min ranan da zanyi miki gardama a rayuwa na, tabbas salma itace macen da nake so kuma nake son in rayu da ita, rabuwa na da ita kaman barazana ne da rayuwa na, wlh indai na rabu da salma zan iya shiga cikin wani Hali, hjy binta tasan tabbas abunda ya fada hakan ne dan tasan akan wannan makiran salman zai iya shiga ko wani hali, tace dakata mahmud naji wannan karan zan hakura amma ka sani duk ranan daka nuna ma fauziya rashin adalci akan salma saika rabu da ita wlh kaji na rantse, tun yanzu ya kamata kasa son fauziya ma a ranka, in banda abun yaro wake Kin nashi yaso bare, fauziya yar uwarka ce inma abu zakayi sai nata yafi yawa saboda yan uwantaka, Amma kai naga baka san haka ba toh tun yanzu ka dai daita sahun ka, kar inji kar ingani maza ka kwashe akwatin ka kaima fauziya yanzu ya amsa da toh tare da fadin ngd mama, tace ni xan tafi, salma tace ki gaida gida mama, ta sakar mata harara tare da fadin idan ina magana da d'ana ki daina sa baki, salma taja baki ta tsuke tare dayin kasa dakai, tayi tsaki ta fita, shima ya bita, Nan salma ta saki kukan da take boyewa tare da fadin wannan wani irin rayuwa ne, dan mijina ya nuna min so sai dangin shi su tsaneni shin laifi ne dan ya soni a matsayina na matarshi, na rasa mai yasa suke cemin na shanye shi, ladabi da biyayya ya zama shine tsafi, ni da ko hanyar zuwa gun boka ban sani ba, mai ya hadani da tsafi, jin motsin kaman mahmud yana shigowa yasa tayi sauri ta goge hawayen amma lokaci ya Kure dan ya ganta, ta sakar mishi murmushi tare da fadin har ta wuce? Ya kafa mata ido tare da fadin salma kukan mai kikeyi? Tace babu komai dear, yace kar kimin karya ban sanki da hakan ba, kiyi hakuri salma nasan abunda mama take miki ne yake...... Tayi sauri ta toshe mai baki tare da fadin dear mai kake fada haka, mama ta isa tace komai a kaina kuma ta isa tamin ko wani irin abu dan a matsayin uwa nake kallon ta, kaga mahaifiya tana da ikon tayi ma yaranta fada babu mai cewa komai kuma, wani irin son salma yaji yana shigarshi, tabbas salma samun mace mai irin halinki sai an tona, tayi dan murmushi tare da fadin tashi muje in tayaka diban kayan nan ka kaima kanwata, ya janyota jikin shi tare da fadin nop ki zauna zansa a diba a kai, nan suka shiga faranta ma juna rai. WAI WAYE MAHMUD mahmud El-hassan ya taso cikin gata, kasan cewan shine d'a guda daya wajan iyayenshi duk wanda mahaifiyarshi ta haifa sai su koma, shine kawai ya rayu, babu wani abu daya nema ya rasa, mahaifinshi tsohon minister ne na agriculture, sai da yayi shekara takwas akai, sannan aka canza wani ya koma kasuwanci ya tara dukiya wanda shi kanshi bai san adadinta ba, ya rasu a lokacin mahmud yana shekara ishirin da uku a duniya, yayi dan gajeran jinya, gaba daya komai na dukiyar shi ya koma hannun mahmud da mahaifiyarshi, wanda suka sa wasu suna kula da wasu aikin kasuwancin mahmud ya koma company din kera motoci wanda yake garin Abuja, lokaci kadan mahmud yayi suna kaman mahaifinshi, ya hadu da salma a garin katsina lokacin yaje bikin wani abokin shi, nan suka kulla soyayya abun daya burgeshi da ita, kunyanta da addininta dan a lokacin daya fara nuna yana sonta tace yaje ya fara ganin iyayenta kafin ya fara mata magana, aiko anan yace ya sami matar aure, kafin yabar katsina sai da yaje gidansu salma ya gabatar da kanshi kuma iyayenta mutanan kirki ne, mahaifin salma yana da rufin asiri, ya yaba da hankalin mahmud sosai yayi na'am dashi yace ya bashi izini in sun dai daita to shikenan nan mahmud yayi godiya ya bashi kudi yaki ansa yace bazai amsa ba, baya son haka, babu yanda mahmud baiyi ba yaki amsa, tun daka lokacin mahmud ya fara zaryan zuwa katsina wajan salma har mahaifiyarshi tace wai mai yake yawan zuwa yi katsina ne, nan ya sosa keya yace wajan salma, tace wacece salma kuma? Nan ya bata labari tace waye babanta yace sunanshi alh Muhammad, yana da mata daya yara biyu salma da hauwa, nan hajiya binta tace miye aikin shi? Yace yana dai da rufin asiri tsohon ma'aikacin gwamnati ne, ta tabe baki tare da fadin wannan maganar ka barta mahmud ka nemi dai dai kai kaji, abun da mahaifiyarshi ta fada bai mishi dadi ba, domin ita ta nuna yar masu kudi take so ba tarbiya ba, yace mama salma tana da tarbiya sai yasa nake sonta, ta nuna mai Sam yabar maganan, ganin taki na'am yaje ya sami wani yayanta wanda suke uba daya ya fada mishi nan yazo ya mata nasiha akan taji tsoran Allah Arziki da talauci duk na Allah koh ita lokacin da mijinta ya aureta suna da Arziki ne, babu shiri tace babu komai suyi duk abun daya dace, kaf yan gidansu hajiya binta suna tsoran haruna shine babba, yayin da gaba daya dangin ta suke girmamata dan tana da kudi shine kawai yake gaya mata magana ya zauna lafiya, mahaifinsu matanshi uku, jamila tana da yara uku, haruna shamsu, rabi, sai aysha itace ta biyu , tana da diya daya fatima binta,sai larai itace ta uku tana da yara biyu zaliha, habiba Lokacin da mahmud ya dawo ta mishi tatas tace sai kaje ka aureta tunda har karata ka kai, nan ya fara bata hakuri da rarrashi tace babu komai nan akayi komai aka daura aure amma ba tare dason hajiya binta ba, kawai dai tayi shuru ne dan ta faranta ma danta,wani katon gida ya gyara da yake maitama a nan suka tare, salma tana da hakuri dangin mahmud sun sha zuwa suyi ta mata habaici da zage2 musamman hjy raliya da yarta fauziya, suna yine kawai dan su faranta ma hjy binta,yayin da zaliha babu komai zuciyarta sai...tsanan hajiya binta dan tana da Arziki wanda take ganin ita ta dace dashi.... Maryam obam???? Share this [ad_2]

Share this

KISSA KO MAKIRCI Page 1 to 10

KISSA KO MAKIRCI Page 21 to 30

Related Articles

KISSA KO MAKIRCI Page 41 to 50 (The End)

KISSA KO MAKIRCI Page 31 to 40

KISSA KO MAKIRCI Page 21 to 30

KISSA KO MAKIRCI Page 1 to 10

Leave a ReplyCancel reply